Kalu demo tanyo ambo, kawase Galas (N 45) ni bukenyo besa sangat, aloh kecek celeh ja eh, ado bo besar tumbong woh nyo. Tapi gak jenis pernga budok, tumbong hok kecek celeh tu hok dio nok berebuk nyo. Ambo buke nok kato apo, ADUN Galas Saudara Che Hashim Sulaiman baru jah meninggal dunio, ok-ok gak dulu. Biar lasa semo sekali pah barulah kita nok kecek kiro pasal sapo hok nok ambik alih. Meme betul, keno ado ketuo, tapi tengok la pulok kawase besa mano.
Jange jadi gong gak kito nih, nih ambo tengok samo naik, baik BN baik PAS baik PKR, tak dok kerijo lain. Demop nati kelih, tok de 100 hari wojik, ake bermulo pere, mu kato ko aku, aku kato ko mu. Dan hok ambo raso wojik ake berlaku, ado puok hok ake ukit “maso gemuloh ni jago kawase Galas ni mulo, gapo hok dio buak”, haa ni baso peranga udoh. Ore jange dok kecek pasa orghe hok mati doh.
Ci cubo tah PAS nga BN dudok semejo biche molek-molek “lagu mano weiii kito nih, melayu napok koho berak pecoh-beloh abih, sapa bilo kito nok pere lagu nih. Buleh ko dok kito pakak buak baik, kito pakak jago rakyak kito nih”, ke ko come kalu lagu tu. Tapi orghe serupo ambo nih pakak dok berange sajo lah nok tengok ore melayu bersatu padu. Tapi ambo tok kesoh, orghe nok murih, murih lah, hok ambo tetak ake buak dale blog ambo iolah memperjueke hok orghe melayu. Biarlah orghe nok kato ambo bodo sebak dok kechek sore, takdok arghe nok baco, tapi ambo yaking Insyaallah satu hari nati, ado jugok orghe hok baco mesej hok ambo nok nyapa.
zame budok dulu bena la, tokleh kelipa, duduke nok baloh sokmo, tapi loni kita besa doh. kita saing belako, tapi kalu oghe toksir saing lagumana ?
ReplyDeletekita hulur doh tange perpadue nga pok2 demo...
Jolo sungguh hok DR kato, ambo tok nafi. Sebak tu ambo kato baik A baik B duo-duo ado peranga udoh, bilo A nok baik, B pulok wak sombong, bilo B baru kaba, mari pulok C hok cocoh tok se wi saing..Ambo dok ingak lagi baru nih bilo Tok Guru kato dio sanggok nok biche nga Barise pasa masaloh melayu atah usoho Muhyideng, ambo kiro come mena doh tu..tapi ado pulok Pok Kangok mari kato..ahh tok payoh tanyo PAS, kito panda doh..
ReplyDeleteHok ni la ambo raso rusing...tapi ambo yaking, Insyaallah satu hari nati demo nih ake sedar jugok betapo pentingnya penyatue orghe melayu nih