Awal mula kalam bertinggung
Kalam bernama Sang Nila Utama
Adat dan sopan biarlah dijunjung
Barulah Melayu dipandang mulia
Adoo..sedak jugok pantun pagi-pagi nih..biarlah bungo tok berapo jadipon, janji mesej tu sapa. Orghe tuo-tuo sokmo-sokmo royak, kalu nok buak gapo-gapo mesti start denga bismillah, pah tu selawak sikik. Sebaknyo, bilo baco bismillah nga selawak tu barulah gapo-gapo hok kito nok buak jadi berkak. Gak kito jenih pok turuk ni, buaklah hok serupo demo suruh...tidokko kato nok kaji dan mendalami apo hok orghe tuo tu suroh..
Tapi bilo kito doh koho besa, koho cerdik, koho tinggi ngaji baru kito sedar, bahawosonyo setiak usoho hok kito nok buak tu keno mendapat restu dari Allah Subha Nahuwataala. Tapi jangelah dok buak tok tentu kalu..ni ambo tengok, nok gi tike ekor pon baco bismillah, main 400 baco bismillah, nok gi belago aye baco bismillah..baco tu molek tapi tok keno tepak tu guu..
Tapi loni, bilo sorghe-sorghe puok orghe tuo-tuo pakak mati, kito tengok nasihak serto amale hok demo dulu-dulu buak koho tak dok, orghe luar kato makin pupus. Kalu ado pong muking sorghe duo buak di kapong-kapong. Cubo kito bayeke, kalu kato bendo-bendo ni pupuh, ho..kiro paka berkubor lagu tu jah la...
No comments:
Post a Comment