Orghe Kapong

Bilo sebuk pasa orghe kapong, kebanyoke masyarakak lebih-lebih lagi orghe bandar tamboh pulok kayo-rayo ake memande rendoh ko puok-puok nih. Ni meme doh jadi lumroh, tok leh nok buak apo doh, tamboh menyedihke bilo demo panggil orghe kapong denga panggile orghe darak. Ayak hok beso kito dengar sokmo-sokmo "orghe darak mari doh", "orghe darak tubik doh", tanpo demo pikir panje pasa hati dan perasaan orghe lain..

Ambo ni pong orghe kapong jugok, orghe darak jugok, tapi ambo raso pallo otok ambo dan budi bahaso ambo lebih baik dari orghe ilir. Dari segi pakaian, gayo, pertuturan kito tidok nafi..orghe darak tidok berapo panda pasa bab-bab ni.Tidok mace orghe banda, bergayo sano sini tapi pitih sekepeng habok tak dok.

Ambo tidok nok cerito pasa pitih, apo hok ambo nok ulas disini iolah pasal sikap kito. Jak kecik pah ko besar, nak-nak kali ambo kelik Kelate,tubik gi ko Koto Bharu, ambo wojik denga perkataan "uh..orghe darak mano nih". Walaupon bukenyo keno atah bate idong ambo, tapi ambo raso terkile sebaknyo ni tahong millenium bukenyo tahong 60an ko 70an ko. Kito rakyak Kelate keno uboh bendo ni. Baik orghe kapong mahupon orghe darak, mereko tetap rakyat negeri Kelantan dan mereko tetap menyumbe dale menjana ekonomi negara.

Cumo hok ambo banggo, kebanyoke orghe besar-besar asanyo dari kapong dan orghe darak.