Nak-nak kali bule poso, ambo teringak sokmo ko kapong ambo. Buke teringak ko gewe, tapi teringak ko suasano bule poso, lebih-lebih lagi di Pasar Ramadhan, ohhhh sedak kelih weiiii kue-kue dio, ado mace-mace jenih. Ado Rhodok, ado Taik Itik, ado Nekbak, ado Tiri Mandi, ado Jalo Mah, ado aye percik. Pendek kato nok make gapo dio ado jua belako, mok nga pok jah tak dok. Hok tu lah skali skalo bilo teringak ko bule poso kalu buleh nok cuti sebule nok dok kapong. Ho lah kito dok di perantauan ni nok make-makene hok sedak-sedak beloh luar ni dio tok jua, kalu ado pong raso dio tok sedak apah, tawar lembar.
Ambo buke nok puji, sepanje 22 tahong ambo merantau nih, makene Kelate tok leh nok kato gapo, meme sedak. Ambo pernoh maso dok di Filipina mulo, wak kerabu sarek nga nasi kerabu, tengok pok-pok Filipina, Amereka, Bruna make cemo-cemo, dio kato sedak, “sea weeds” ataupon sarek orghe Kelate panggil, padahal di Filipina ni hok segar lagi muroh pulok tu, tapi nok buak guano mugo demo tok panda nok make. Ambo ejah ko pok-pok dio ike pangge tawar cicoh pulok nga budu, dio kato makene Malaysia sedak. Tu ambo kato ko pok-pok Filipina, buke makane Malaysia tapi makane Kelate, origina Kelate. Banggo ambo jadi Anok Kelate.
Mudoh-mudohe bule poso ni ambo berkesempate balik Koto Bharu, raso nok make Rojok jawo weiiii..
No comments:
Post a Comment