Ampun Tueku beribu ampun…izinkan patik menulih sikit pasal Tueku. Tidok teniat di hati patik nok tulih hok pelik-pelik pasa Tueku. Cumonyo patik nok bui sikik pendapat serta pandange patik berkaite Tueku.
Rama bena orghe dok caro pasa hal-ehwal Rajo Kelate..biarlah hok orghe dok caro tu ambo malah nok ambik cargho. Cumonyo hok ambo nok royak bui, ambo kenal Sulte Kelate hok baru nih, bukenyo sari duo, ambo kena dio lamo jak sekoloh rendoh lagi gu…hok aloh la..tok leh nok tek lasung, meme Sultan Faris Petra nih jenih berjiwo rakyat sengoti, kalu zame dok Sekoloh Ismail mulo gak, kalu orghe maing bola…dio maing bola, kalu orghe maing berambak..dio maing berambak…kalu orghe maing TO CHUA..dio pong maing TO CHUA. Pah nyo pulok dio jenih tok menyombong lasung, tidok baso kebesare dok…tu ya bilo ambo dengar koba kato orghe dok caro hal Sultan Faris Petra tu ambo naik Rha (nok murih)…ho mugo kito kena benar denga dio.
Tapi apo pong ambo raso banggo benar bilo, Alhamdulillah, sepertimana yang dijangkakan, Tuaeku Muhammad Faris Petra teloh selamat dimasyhurkan sebagai Sulte Kelate hok baru pado hari Sena 13 September 2010 Masihi bersame denge 4 Syawal 1431 Hijrah.Tueku kito jadi Sulte loni, bilo ado aktiviti hok berprotokol baso dio doh, tokke dio nok naung panggil kito saing-saing nih serupo dok keda kopi. Nih nok wi bukti nih..dio pelajare luluse Oxford, ngaji bak ugamo komplit, ha-ha hukom hake dio tahu, bab pentadbire ni serupo minung air jah…mugo ore pengalame banyok, ngaji pulok tinggi. Kalu denga rakyak jelato gak, ibarak takdok halange lasong, ikok jupo ore akak tange selalu…Kemah gu Sulte kawe…Daulat Tueku…semogo Negeri Kelate bertamboh ame dan makmor dibowoh payung naunge Tueku..
No comments:
Post a Comment